حلوى الكفتة

السلام عليكم ورحمة الله وبركاته 

 حلوى الكفتة من مطبخ الشاف فلة 

المقادير


*pate d'amande

*1كيلا و نصف سكر تسكار
*1كيلا لوز بيض مرحي رقيييييييييييييييق
*1ملعقة كبيرة زبدة طرية
*الشربات (500غ سكر+1كاس و نص ماء+شوييييييية شب)
الحشو

*3 كيلات la genoise مرحية رقيييييييييقة
*creme au beurre gout vanille
*1كيلا مكسرات محمصين و مرحيين خشين شوية

اللوز تسيريه في السيار قبل

السكر

الزبدة دخليها مليح بيدك

و تبليها بالشربات حتى تنطم

ديروها في شكارة و خليوها تريح شوية

دوكا التلوين هههههه ماصبتش واش نقول ان شاء الله فهمتوني
التلوين ب اللون الوردي الفاتح
ديرو 2 نقطات لون ابيض+1نقطة لون احمر و خلطوهم

اعتدر الصورة خرجت فلو

دوكا الحشو

ادا كان اللون بني نحيولها الطبقة البنية

من بعد ارحيوها و سيروها كيما اللوز

creme au beurre

من بعد ديري شوية لاجينواز و خلطي بالسباتولا

من بعد المكسرات

من بعد زيدي الجيتواز يلزم ماجيش مدكوكة جي طرية شوية

من بعد ديريها حرابش و حطيها في التلاجة تبرد حتى تشد روحها و لا في frigo

من بعد

قطعوها بالموس المدرج

اطليوها بالملمع لون الابيض بالبانسو ومن بعد ديرولها الورد كيما تحبو
كاين بزاااااااااااف اشكال تع الكفتة نتوما ديرو واش تحبو انا هاد الشكل يكمونديوه بزاف