طلية العرايش

السلام عليكم ورحمة الله وبركاته 

طلية العرايش من مطبخي

المقادير

*1ملعقة بياض البيض
*ماء الزهر
*عصير قارص
*700غ سكر تسكارSucre glace
*ملون ابيض
*فنجال شربات مكون من (ماء+سكر)

كريم موسلين للملفاي

المقادير:

*1لتر حليب
*3فناجل سكر عادي
* 2 فناجل مايزينة
*2 بيضات
*250غ زبدة فلوغيال
*5ملاعق كبار لافاني

خبز الهمبرغر

السلام عليكم ورحمة الله وبركاته 

 وصفة خبز الهمبرغر راائعة من مطبخي 

موس الشكولاطة

مرحبا كيف حالكم ?
اليوم نقدملكم وصفة موس الشوكولاتة mousse au chocolat ان شاء الله تعجبكم انا تعجبني هادي وصفة من وصافتي المفضلة
فيها 2 نوع من المقادير بيض و شيكولا مافيها زبدة و لا حليب ولا سكر و نخليكم مع المقادير

قاطو اسبانيول

السلااااام
بمناسبة عيد الاضحى حبيت نوريلكم هذه الوصفة الجديدة باش ديروها في العيد ان شاء الله تعجبكم و جربوها صدقوني بنيييييينة بزااااااااااف مكاش لي كلاها و ماعجبتوش جرجوها و شوفو

مادلان فلة

السلام عليكم ورحمة الله وبركاته

هذه الوصفة انا تعجبني بنينة ان شاء الله تعجبكم
المقادير:

لابات بريزي

السلام عليكم ورحمة الله وبركاته

المقادير:

*250غ فرنة
*125غ زبدة
*قرصة ملح
*صفار بيضة واحدة
*ماء بارد

الكوكة بالتفصيل

السلام عليكم ورحمة الله وبركاته

حبيت نوريلكم كيفاش تشكلو الكوكة و جيكم كيما لي تنباع كاين لي تعرف هادو العفايس و كاين لي متعرفش و انا حبيت نوري لي متعرفش

المقادير باينة
*لابت فايتي
*التشكشوكة و لاصوص كل واحد واش يسميها

كريم كراميل

---

السلام عليكم اخواتي
الكثير منا يحب كريم كراميل وخاصة في شهر رمضان نعملوه بكثرة والمعروف ان كريم كراميل يطيب في الفرن اليوم جبتلكم طريقة جديدة وسريعة نطيبوه على النار مباشرة وفي ربع ساعة يكون جاهز نخليكم مع الوصفة

تورتة بالفلان والكريمة

السلام عليكم غالياتي
كيف الحال نتمنى تكونو كامل بخير
مازال عندي مشكل التصفح في المنتدى بصعوبة باه قدرت ندخل
باذن الله نحاول نحط الموضوع لان النت عندي ثقيلة
بما ان المكون السري هو البرتقال وانا صراحة اولادي مايحبوش البرتقال داخل الحلويات لذلك قلت نعمل كيكة باردة بعصير البرتقال ذوقها راااائع وساهلة في التحضير

تحلية فاخرة بالجبن

---

السلام عليكم غالياتي
واش راكم اخواتي نتمنى تكونو في احسن حال
علا بالي راني متأخرة اسمحولي كانت عندي ظروف خاصة
هذا اخر تحدي في المسابقة وعلابالكم ان المكون السري هو الجبن لذلك عملت نوع من انواع تشيز كيك راح نحط الصورة النهائية الان لان مابقاش الوقت والنت عندي ثقيلة وباذن الله نحاول نحط كل الخطوات مرفقة بالصور نتمى تعجبكم مشاركتي

حلوة المشكلة

---

السلام عليكم اخواتي
عملت حلوى المشكلة وصورت الخطوات لان الكثير من الاخوات كي طيبوها يخرج الحشو ويجي يابس لذلك نحاول نعطيكم نصائح لنجاح هذا الحلوى 

ليبيني بالكريم باتيسيير

السلام عليكم اخواتي
اليكم وصفة ليبنيي بالكريم باتسيير ساهلة وذوقها راااائع

مقروط روايال

السلام عليكم اخواتي
مقروظ رويال وصفة جديدة و هو عبارة عن مقروظ اللوز في حلة جديدة يجي محشي بالبيستاش ملائم للاعراس والمناسبات السعيدة ادام الله الافراح في كل البيوت

حلوى الجلجلانية بالبيمو

---

السلام عليكم
كيف حالكم غالياتي ان شاء الله كامل بخير
سبق وحطيت قاطو الجلجلانية باللوز صراحة هاااايل واليوم جبتلكم وصفة جديدة لقاطو الجلجلانية بالكاوكاو والبيمو ساهل في التحضير ذوقه رووووعة ويحمر الوجه في المناسبات.
قبل مانحط المقادير نقولكم ان الكيلة المستخدمة هي كاس نتاع250مل وهذا الكمية تقطع حوالي30حبة على حسب الحجم

حلوة المخبز

سم الله الرحمان الرحيم

اللهم صل وسلم وبارك على سيدنا محمد عليه افضل الصلاة والسلام اما بعد

المخبز من الحلويات الجزائرية التقليدية نعملوها في الاعراس وكل المناسبات السعيدة لكن بزاااف من الاخوات ماينجحوش في تحضيريه يجيهم يابس وحتى الطلية تبس بالخف

اليوم باذن الله نحطلكم الوصفة بالخطوات المصورة ومع كل اسرار المخبز حتى يجيكم معسل من الداخل وحتى الطلية تبقى طرية
اذن لنجاح المخبز يجب التقيد بمايلي

حلوة السيقار

السلام عليكم غالياتي
جبتلكم اليوم حلوى ذوقها اكثر من رااااائع
بالنسبة للمقادير راح نعطيكم مقادير ل100 حبة طبعا ممكن نعمل نصف الكمية

قريوش

السلام عليكم
كيف حالكم غالياتي نتمنى راكم كامل بخير
راني رجعت بعد غياب قصير وجبتلكم وصفة جديدة للقريوش وبشكل جديد روعة نتمنى ينال اعجابكم

بان كيك

بسم الله الرحمان الرحيم

السلام عليكم اخواتي الغاليات
كيف حالكن ان شاء الله الجميع بصحة وعافية.
وصفة اليوم البان كيك وصفة سهلة بسيطة واقتصادية والاهم ان ذوقها هايل
صراحة جربت عدة وصفات حتى لقيت الوصفة المثالية ذوقها مثل الكيك لكن هي تجي رقيقة ،يقدم مع العسل او النوتيلا اوصوص الشكولة وممكن المعجون المهم كل واحد كيفاه يحبه انا شخصيا نفضله بنوتيلا اممممم ولا اروووووع.

اصابع البطاطا

السلام عليكم اخواتي
المقادير:
3حبات بطاطا نطيبوها في الماء ونرحيوها بالفرشيطة وهي سخونة،حبة بيض،ملح،فلفل اسود،جبن الخاص بالسندويتشات

حلوى بالمعجون ( كروكي)

بسم الله الرحمان الرحيم
السلام عليكم ورحمة الله تعالى وبركاته
كيف حالكم اخواتي ان شاء الله راكم كاااامل بخير

وصفة اليوم اقتصادية وساهلة عبارة عن بيسكوي بالمعجون يشبه الى حد كبير في الكروكي لكن هذا يجي بالمعجون

بتي فوغ

بسم الله الرحمان الرحيم
والصلاة والسلام على اشرف المرسلين

جبتلكم اليوم وصفة للبوتي فور اقتصادية ومقاديرها مضبوطة والنتيجة راااائعة

حلوى بطابع الصامصة

السلام عليكم اخواتي

دائما مع الحلويات لي عملت في العيد واليوم مع وصفة جديدة ماكانش لي عملتها هههههه والفكرة فيها ان راح نستخدم طابع الصامصة في تشكيل الحلوى والنتيجة راح تكون هاااايلة بدون اطالة نخليكم مع الوصفة والخطوات.

مادلان بالسميد

السلام عليكم اخواتي
المقادير:
3 بيضات،كاس سكر، كاس ناقص شوية زيت،نصف كاس حليب، كاس سميد رقيق،كاس و نصف فرينة مغربلة ،2 باكيات خميرة،فاني،زاست نتاع القارص،رقائق اللوز،معجون

الخبز التركي

السلام عليكم اخواتي
جبتلكم اليوم نوع من انواع الخبز التركي يحضروه بكثرة في شهر رمضان هش وخفيف وساهل يحتاج فقط الى5د عجن والنتيجة روعة

راح نعطيكم المقادير نتاع قرصة واحدة بحجم خبز الدار لي ينباع في الكوشة

لي كورني بالشكولا

السلام عليكم اخواتي
حلوى لي كورني بالشكولة حلوى ساهلة سبق وعملتها في عيد الفطر

غريبية بالكوكاو

السلام عليكم غالياتي

المقادير:
كيلة سمن ذايب ونحطوه في الثلاجة حتى يجمد
كيلة ناقصة شوية سكر رطب
كيلة كاوكاو محمص ومرحي رقيق
4 م كبار فرينة محمصة
فرينة

قلوب الشكولا

السلام عليكم اخواتي
كيف حالكن غالياتي ان شاء الله كاااامل راكم بخير

حلوى اليوم اقتصادية وبنينة ومناسبة للافراح والمناسبات وتقطع كمية مليحة وكنت وعدتكم اني نحطها قبل
اسمحولي على التأخير كان عندي مشكل في اللاب توب

قاطو الطبقات

السلام عليكم اخواتي
اليوم جبتلكم قاطو الطبقات ساهل وبمقادير بسيطة ويجي هايل
المقادير:
كاس زبدة ذاببة،كاس سكر احرش،نصف كاس عسل،2 بيضات،2 م ص بيكربونات،فرينة،معجون ،شكولة ،كمية من الكاوكاو محمص ومرحي خشين
الطريقة:
نحط الزبدة والسكر والعسل فوق حمام مائي حتى يذوب السكر تماما نخلي الخليط يبرد
بعدها نضيف البيض ونحرك ثم نضيف البيكربونات ونشيح بالفرينة ثم نقسم العحينة الى 3 اجزاء متساوية
ناخذ البلاطو نتاع الفرن نقلبه نحط فوقه ورق الزبدة ونرش شوية فرينة ونبسط الكويرة الاولى بالحلال نرققها على قد ما نقدر وندخلها تطيب بعدها ننزعها ونخليها تبرد ونفس العملية نكررها مع زوج كويرات لي بقاو
بعدها نحط الطبقة الاولى وندهنها بالمعجون ثم الطبقة الثانية وندهنها من فوق بالمعجون ثم نضع فوقها الطبقة الثالثة ندهنها بالمعجون ونرش فوقها الكاوكاو نغطيها ونخليها ليلة كاملة
بعدها نقطعها مربعات وندهن الجوانب بالمعجون ونرمدهم في الكاوكاو ونزينها من فوق بخطوط الشكولة وهذا شكلها

خبز راائع

السلام عليكم غالياتي
المقادير:
كوب ونصف حليب،ثلث كوب زبدة ذايبة،بيضة،4 اكواب فرينة وممكن اكثر على حسب النوعية،م ك سكر،م ك خميرة الخبز،م ص ونصف ملح
الطريقة:
في وعاء نضع المواد السائلة:حليب دافيء+زبدة ذايبة+بيضة+خميرة+ملح+سكر نحرك الخليط ونضيف الفرينة تدريجيا انا استعملت 4 اكواب وشوية المهم حتى نتحصل على عجينة متماسكة وطرية في نفس الوقت نعجنها لمدة8 د باليد ولي عندها العجانة تعجنها لمدة اقل وهذا شكل العجينة بعد العجن

قاطو كحلوشي المعسل

السلام عليكم اخواتي
دائما مع الوصفات الجديدة والحصرية جبتلكم اليوم حلوى ساهلة وبنينة بزاااااف خاصة لمحبي الكاكاو

مادلان الفراشة

كيف حالكم اخواتي ان شاء الله راكم كامل بخير

اليوم جبتلكم مادلان هش وخفيف وشكله راااائع يحمر الوجه قدام الضياف

قاطو بساط الريح

السلام عليكم اخواتي
حلوى اليوم اسمها بساط الريح جديدة وبنينة وساهلة وتقطع كمية مليحة

حلوى الجلجلانية باللوز

السلام عليكم اخواتي نتمنى تكونو كاااامل بخير
الحلوى نتاع اليوم كنت ذوقتها وعجبتني بزااااف والوصفة جبتها من عند اخت مختصة في الحلويات من العاصمة نشكرها بزاف نخليكم مع الوصفة

غراتان في كيس السباقيتي

السلام عليكم اخواتي
اليوم جبتلكم وصفة لقراتا ن في كيس السباقيتي علابالي فكرةجديدة لكن يجي بنين نخليكم مع الوصفة

صابلي التاج

بسم الله الرحمان الرحيم

السلام عليكم اخواتي في الله

حلوى اليوم معروفة وهي حلوى الصابلي انا شخصيا من الحلويات المفضلة عندي تذوب في الفم وغير مكلفة
الجديد ان راح نعملها في قوالب السيليكون راح نتحصل على صابلي التاج كنوع من التغيير شكلها يجي راااائع
بالنسبة للعجينة ممكن للاخت تستعمل اي عجينة صابلي تكون معتمدتها اذن نبدأ على بركة الله

بريوش اقتصادي

بسم الله الرحمان الرحيم

اللهم صل وسلم وبارك على سيدنا اشرف خلق الله محمد عليه افضل الصلاة وازكى التسليم
اما بعد

اخواتي كلنا نبحث عن الوصفات الاقتصادية والمضمونة وان شاء الله وصفة اليوم تعجبكم وتجربوها وهي عبارة عن بريوش اقتصادي من دون زبدة ولابيض والنتيجة مذهلة

مورانق

بسم الله الرحمان الرحيم

الحمد لله فاتحة كل خير وتمام كل نعمة والصلاة والسلام على نبينا وحبيبنا محمد صلى الله عليه وسلم اما بعد......

الكثير منا يحب المورانغ لكن القليل لي ينجح في تحضيرها اليوم جبتلكم طريقة جديدة وباذن الله ناجحة من اول مرة .
اغلب الوصفات المتداولة يقولك بياض 2 بيض مثلا ويعطيك كمية السكر لكن كاين لي ماينجحش فيها رغم ان التزم بالخطوات هذا لان حجم البيض مختلف هذا لي يعمل الفرق
بالاضافة ان احيانا كي نعمل حلويات نحتاج فيها صفار البيض فقط راح نحتفظ بالبياض في المجمد وممكن ننسى حتى شحال من بياض بيضة احتفظت به ويكون سبب في ان ما نستغلش بياض البيض لي عندي ونعمل به الومرنغ
لذلك جبتلكم وصفة ساهلة ومضمونة وحتى اذا عندنا بياض بيض في المجمد نستعملوه عادي مهما كان حجم البيض صغير او كبير وهذا شكل المورانغ لي حضرت شوفو ما احلاه على فكرة من كثرة ماعجب لاولادي عاودتو 3مرات في اسبوع واحد

ترتولات بالفواكه

---

السلام عليكم اخواتي
جبتلكم اليوم عجينة مناسبة لكل انواع التارت سواء بالفواكه او الليمون او الشكولة تجي تذوب في الفم
المقادير

كيكة الدانيت

---

السلام عليكم اخواتي
جبتلكم اليوم وصفة اكثر من راااائعة جربتها عدة مرات وكانت ناجحة 100في100 ومذاقها لا يقاوم نشكر اختي ام درة على الوصفة الرااااائعة

كيكة بالفلان

السلام عليكم اخواتي
المقادير:

لتحضير الجينواز نحتاج الى

3بيضات،90غ سكر،90غ فرينة،م ص خميرة كيميائية،فاني

اولا نشعل الفرن على180درجة

بواسطة الخلاط الكهربائي نخلط البيض مع السكر والفاني جيدا من بعد نضيف الفرينة والخميرة المغربلين وبواسطة ملعقة نضيف الفرينة على دفعات ونحرك من فوق لتحت
ناخذ المول الخاص بالكيك يكون متحرك يعني لي يتفتح ندهنه بالزبدة والفرينة ونفرغ فيه الخليط

فوري نوار بالايسكريم

السلام عليكم اخواتي

بما اننا في فصل الصيف ومع ارتفاع درجة الحرارة مايليق غير المثلجات
واليوم جبتلكم طريقة جديدة لتقديمها سهلة والنتيجة رائعة وتحمر الوجه خصوصا قدام الضيوف

حلوة الجلجلانية بنيسلي

---

السلام عليكم اخواتي
حلوى الجلجلانية بنيسلي حلوى اقتصادية وبنينة تذوب في الفم يمكن نحضرها حتى في المناسبات.

صابلي بنيسلي

السلام عليكم اخواتي

اليوم جبتلكم وصفة لحلوى الصابلي مختلفة على لي متعاودين عليه بدل السكر الرطب راح نعمل نيسلي عادي مش طايب ونزين بنوتيلا والسيقار واللوز يعني بمقادير بسيطة ممكن نعمل حلوى رائعة شكلا وذوقا بدون اطالة نخليكم مع الوصفة

قاطو نص بنص

بسم الله الرحمان الرحيم

السلام عليكم غالياتي

وصفة اليوم جديدة وذوقها راااائع يمكن تحضيرها في المناسبات والافراح .هذا الوصفة لاخت تعلمتها من عند واحدة مختصة في الحلويات جزاها الله كل خير وانا بدوري جربتها وصورتلكم المراحل ان شاء الله تنال اعجاب الجميع.

مقروط النقاش

السلام عليكم اخواتي نتمنى تكونو كاااامل بخير
وصفة اليوم مقروط النقاش صراحة جربت عدة وصفات لكن هذا الوصفة كانت الاحسن على الاطلاق يجي يذووووب في الفم نخليكم مع المقادير والخطوات
المقادير:
3 كيلات سميد متوسط من النوع الممتاز انا نستعمل دائما سميد السفينة هايل للمقروظ
كيلة ونصف فرينة
كيلة معمرة مليح سمن ذايب وبارد
نصف كيلة زيت
ملح على حساب كمية الدقيق والفرينة نملح اقل من الكسرة بشوية
خليط من الماء وماء الزهر انا استعملت ثلاثة ارباع الكيلة على حساب نوعية الدقيق
الحشو
غرس منقي ومرحي نفوروه ونضيفلو 3م ك سمن ذايب+3 م ك عسل+نصف م ص خميرة الحلوى+شوية قرفة+القليل فقط من القرنفل مرحي وهذا الكمية لبلاطو صغير نمزج المقادير مع بعض ندهن يدي بشوية زيت ونشكل حرابش
الطريقة:

كيكة التوفي

السلام عليكم اخواتي

جبتلكم اليوم كيكة التوفي رهييييبة ذوقها اكثر من راااائع هي عبارة عن كيكة فيها النواد كوكو وحليب غبرة محمص ونغطيها بكريمة التوفي اممممممم
وكريمة التوفي شكلها يشبه في نيسلي كرامليزي لكن ذوقها ذوق الكبريس وماتجيش حلوة بزاف كيما نيسلي
اذن نخليكم مع هذا الوصفة المميزة

صابلي شكل جديد

السلام عليكم اخواتي
المقادير:
250غ مرقرين،125غ سكر رطب مايقارب كاس ،2صفار بيض وبيضة كاملة،كاس نشاء،فاني ،فرينة
للتزيين:
شكولا نوار،علبة بيمو،معجون،سكر رطب
الطريقة:

مقرقشات الوردة

السلام عليكم أخواتي
دائما مع الوصفات البسيطة والاقتصادية جبتلكم اليوم مقرقشات الوردة لكن بمقادير جديدة لان الوصفة القديمة يعملوها 4 كيلات فرينة بكيلة زبدة .
هذا الوصفة تجي هاااايلة وتذوب في الفم يمكن نحضرها في الايام العادية او في الافراح تقدم مع الشاي.

هذا الكمية تقطع حوالي40حبة

حلوة الملفوف

السلام عليكم اخواتي
اولا اعتذر من الاخوات على الغياب بسبب انقطاع النت وفي بعض الاحيان بسبب انشغالاتي المهم نحاول نكون معاكم كل ماسمحت لي الظروف.

بما ان عيد الاضحى على الابواب اخترت لكم حلوى اقتصادية وبنينة سبق وحطيتها موضوع وهي حلوى الملفوف لكن هذا المرة بشكل جديد رائع مع تعديل بسيط في الوصفة ومع الخطوات المصورة لان كاين بعض الاخوات لي جربوها ومانجحوش فيها وكاين لي جاتو صعيبة في عملها رغم انها سهلة اذا اتبعنا الخطوات.

ميني سويسرول بكريمة الليمون

بسم الله الرحمان الرحيم

السلام عليكم اخواتي في الله

وصفة اليوم عبارة عن ميني سويس رول بكريمة الليمون ذوقه رااائع وشكله اروووع