الكوكة بالتفصيل

السلام عليكم ورحمة الله وبركاته

حبيت نوريلكم كيفاش تشكلو الكوكة و جيكم كيما لي تنباع كاين لي تعرف هادو العفايس و كاين لي متعرفش و انا حبيت نوري لي متعرفش

المقادير باينة
*لابت فايتي
*التشكشوكة و لاصوص كل واحد واش يسميها


طريقة التشكيل:

1قطعي العجينة كيما في الصورة

2من بعد بالحلال حليها في الوسط برك و الطراف خليهم شوية خشان على الوسط

3 اطلي الجوانب بالبيض دوك نوريلكم كيفاش
*حبة بيض + 2ملاعق كبار زيت+قرصة ملح

نوليو وين كنا قلت ادهنو الاطراف ب البيض شوفو الصورة

ديري لاصوص ولا واش حبيتي

و غلقيها كيما شوفو الصورة ماعرفتش كيفاش نفهمكم هنا شوفو الصورة تفهمو

من بعد حطيها في السنيوا انا شمختها من بعد درت فوقها التابي
حطوها هاكدا باش يجوك بزاف في السنيوا

لوكان تحطوهم هاكدا شوفو الفرق

من بعد ادهنيهم بهاداك البيض

و دخليهم يطيبو في فرن يكون شخووووووووووووووووووووون مسبقا
كي ينتفخو نقسي شوية للنار ok

شوفو كي طيب كيفاش جي