حلوة المشكلة

---

السلام عليكم اخواتي
عملت حلوى المشكلة وصورت الخطوات لان الكثير من الاخوات كي طيبوها يخرج الحشو ويجي يابس لذلك نحاول نعطيكم نصائح لنجاح هذا الحلوى 

مقادير العجينة:
3كيلات فرينة
كيلة الا ربع زبدة التوريق ذايبة وباردة
م ص فاني
ماء وماء الزهر نبلو به العجينة
مقادير الحشو:
2كيلات لوز مرحي رقيق
كيلة جوز مرحي رقيق
كيلة ناقصة شوية سكر
1م ص فاني
بيض على حسب كمية الحشو
التعسيل
كيلة شاربات
كيلة عسل اصطناعي
التزيين:
مكسرات
بياض بيض
الطريقة
نحضر العجينة بخلط المقادير السابقة لازم تكون طرية ومتماسكة كيما عجينة البقلاوة نغطيها بغلاف بلاستيكي ونخليها ترتاح 3 ساع\ات قبل الاستعمال
من جهة نحضر الحشو نخلط الجوز واللوز والفاني نخلط البيض وحده ونضيفو تدريجيا حتى نتحصل على عجينة ملساء لاتلتصق في اليدين وهذي خطوة مهمة تخلي الحشو ما يخرجش غطيه وخليه يرتاحساعات قبل الاستعمال

بعد ذلك نرش شوية ما يزينة ونمرر العجينة في الة العجين لازم تكون رقيقة تقريبا بسمك1مم

نبسط الحشو بالحلال على ورق الزبدة بسمك 1 ونصف سم ونحط الحشو فوق العجينة المبسوطة

ونغطي الحشو بعجينة اخرى مبسوطة

بواسطة قطاعة نقطع دوائر انا استعملت قطاعة قطرها 4 ونصف سم

ثم ننقشها بالنقاش لازم كل ما نعمل كمية ننقشها بسرعة لانك اذا طولتي تولي العجينة يابسة وكي تنقشيها تتقطع

نغطس انواع المكسرات لي عندي في بياض البيض ونثبتهم في وسط الحلوى وممكن نعمل ازهار بالعجينة ونثبتها باللوز او الصنوبر

نحطها في بلاطو فوق ورق الزبدة ونغطيها ونخليها ترتاح 4ساعات اذا كانت درجة الحرارة عالية اما في الشتاء نخليها4ساعات

بعد ذلك نطيبها في فرن على 150 درجة لازم تبقى بيضا من الاسفل ثم نشعل عليها من فوق غير شوية ما لازمش تحمار
بعد ذلك نحضر الشاربات بخلط كيلة سكر مع كيلة ونصف ماء نخليه يغلي على النار مدة15د لازم لون الشاربات يبقى ابيض ولما يطيبو نكيل كيلة شاربات وكيلة عسل اصطناعي ونحط حبات المشكلة فيهم ونحطها تقطر في الكسكاس

بعد ذلك نحطها في لي كيسات

وهذا شكلهم عن قرب

لكن من الافضل ما تستعملوش اللي كيسات نتاع لي ناب لان الحلوى تلتصق انا انتبهت وحطيتهم في لي كيسات عادي 

نتمنى تعجبكم طريقتي وتنجحو في تحضير الحلوى لانها تجي هاااايلة
ولا تنسوني اخواتي من صالح دعائكن