كيكة التوفي

السلام عليكم اخواتي

جبتلكم اليوم كيكة التوفي رهييييبة ذوقها اكثر من راااائع هي عبارة عن كيكة فيها النواد كوكو وحليب غبرة محمص ونغطيها بكريمة التوفي اممممممم
وكريمة التوفي شكلها يشبه في نيسلي كرامليزي لكن ذوقها ذوق الكبريس وماتجيش حلوة بزاف كيما نيسلي
اذن نخليكم مع هذا الوصفة المميزة

المقادير:

للقياس نستعمل كاس نتاع 250مل

5بيضات، نصف كاس سكر،نصف كاس حليب غبرة محمص،علبة ياؤورت طبيعي،ربع كاس زيت،كاس ونصف نواد كوكو وممكن نعوضه باي نوع من المكسرات،فاني،م ص خميرة الحلوى

لتحضير طبقة كريمة التوفي نحتاج الى

6م ك سكر،م ك ماء،200مل كريمة سائلة اي كريم فريش

اولا نحمص الحليب حتى ياخذ لون ذهبي

نخلط معاه النواد كوكو والخميرة

بواسطة الخلاط الكهربائي نخلط البيض والسكر والفاني جيدا ثم نضيف الياؤورت الطبيعي تدريجيا مع الخلط ثم الحليب المحمص والخميرة والنواد كوكو واخير الزيت ونحرك راح نحصل على خليط سائل نوعا ما

ندهن مول مستطيل26على15سم بالزبدة
نفرغ فيها الخليط

وندخله لفرن مسخن مسبقا على180درجة من 10حتى 15د وهذا شكل الكيكة بعد الطهي

في هذا الوقت نحضر الكريمة
اسمحولي هنا ماحطيتش الصور لانها غير واضحة
نحضر الكراميل
نحط 6م ك سكر+م ك ماء على النار حتى يذوب السكر ويبدا يتغير لونه لازم يكون لون الكراميل فاتح نفرغ عليه200مل كريم فريش
انا استعملت هذا الكريمة السائلة

نحطوه بالعقل ونحرك بسرعة وعلى نار ناقصة ونستمر في التحريك حتى نتحصل على كريمة
نفرغها على الكيكة بعد مانخرجها من الفرن وتكون بردت ونفرغ الكريمة عليها غير بالشوية

نخليها تبرد من بعد ندخلها للثلاجة حتى تتماسك الكريمة نقطعها مربعات او معينات ونقدمها وهذا شكلها النهائي انا زينتها بشوية نواد كوكو

عن قرب اممممم

نتمنى تعجبكم الكيكة وتجربوها لانها فعلا رااائعة
في امان الله